女友問:你認為點揸主意?
男友:由我決定囉!-女友:你一啲都唔尊重我!
男友:由妳決定勒!-女友:無啲主見,點做男人!
女友問:我好似肥咗啲啊!
男友:無吖,都係好FIT!-女友:最憎人口花花,唔坦白!
男友:係肥咗少少!-女友怒睥!
女友問:你話頭先個女仔靚唔靚?
男友:唔靚,絕對唔靚!-女友:口不對心,妳估我唔知你心點諗咩!
男友:靚,勁靚!-女友:咁靚,你去追佢囉,唔好搵我!
女友問:阿媽問我哋幾時結婚?
男友:出年結好無?-女友:呢兩年,我想全力發展我啲事業!
男友:遲多兩年先結。-女友:女人嘅青春好有限,你要我等幾耐?
女友問:你話食韓燒定魚生好?
男友:韓燒。-女友:我驚熱氣生粒粒!
男友:魚生。-女友:呢排我腸胃唔好,唔知受唔受得生冷嘢!
女友問:前男友叫我去食飯。
男友:唔好去!-女友:做男人,有冇你咁少氣呀!
男友:放心去!-女友:乜你一啲都唔妒忌架咩?究竟你愛唔愛我?
女友問:頭先個八婆鬧我。
男友:好,我去鬧返佢!-女友:話咗你啦!成日都唔衝動!你鬧返佢咪成個八公咁囉!
男友:算把啦!-女友:你究竟緊唔緊我?有人虾我,你都做縮頭龜!(喊)
女友問:妳話我阿妹靚定我靚?
男友:妳靚!-女友:咁你即係話我阿妹唔靚?我好錫我阿妹架!
男友:妳阿妹靚!-女友:你咩嘢意思!即係話我唔靚啦!
下次POST男友的回應。
回覆刪除作者已經移除這則留言。
刪除男友問:妳認為點揸主意?
刪除女友:由我決定囉!-男友:都係妳決定好啲!
女友:由你決定勒!-男友:都係妳決定好啲!
男友問:我好似肥咗啲啊!
女友:無吖,都係好FIT!-男友:係牙!
女友:係肥咗少少!-男友:係牙!
男友問:妳話頭先個男仔型唔型?
女友:唔型,絕對唔型!-男友:哦!
女友:型,勁型!-男友:哦!
男友問:阿媽問我哋幾時結婚?
女友:出年結好無?-男友:好吖!
女友:遲多兩年先結。-男友:好吖!
男友問:妳話食韓燒定魚生好?
女友:韓燒。-男友:正!
女友:魚生。-男友:正!
男友問:前女友叫我去食飯。
女友:唔好去!-男友:我諗過都係唔去!
女友:放心去!-男友:我諗過都係唔去!
男友問:頭先個條友鬧我。
女友:好,我去鬧返佢!-男友:算把啦!
女友:算把啦!-男友:算把啦!
男友問:妳話我細佬型定我型?
女友:你型!-男友:過奬!
女友:你細佬型!-男友:過奬!
幾好玩咁wor...彩熊又試XD
回覆刪除女友問:你認為點揸主意?
男友:揀公字啦!
女友問:我好似肥咗啲啊!
男友:o希, 肥咩丫...宜家潮流興baby肥嘛, 啱啱好丫! 更何況有我墊妳底;)
女友問:你話頭先個女仔靚唔靚?
男友:我心裏只有妳一個, 佢靚唔靚都唔重要.
女友問:阿媽問我哋幾時結婚?
男友:咁你阿媽想我哋幾時結婚?我尊重佢既意見.
女友問:你話食韓燒定魚生好?
男友:兩樣野食得多都唔健康喎, 聽日佛誕...不如去吃齋咯, 健康環保得黎亦都好好味架!
女友問:前男友叫我去食飯。
男友:如果你決定去, 就帶埋我去啦!
女友問:頭先個八婆鬧我。
男友:無謂為d無謂人嬲丫...嬲親就唔靚啦, 笑下啦! 妳睇今日天氣幾好, 仲有彩虹添! 如果你繼續嬲, 仲掛住果個8婆, 就會錯過呢d眼前美景啦!
女友問:妳話我阿妹靚定我靚?
男友:各有各靚, 何需比較?咁你明白點解我揀妳唔揀你阿妹.
蟻俠, 你屋企個鐘好似唔係香港時間噃~
刪除咁答....得唔得嫁??
刪除其實....可能有時點答都係衰~
回覆刪除唔答都死..........
刪除.....。★*゚゚*★∵★*゚゚*★。
回覆刪除...☆゚☆゚...❥ ゚...☆゚❥ ゚☆
.★**(。◕ヮ^)✬*(◕‿-^。*)**★
.☆ ••......╠ ╣ a Ρpy❥..☆゚
*★..。♡Mother's♡** ★*
∵☆..。***.day。.*..☆∵
... ゚*★。...。★*゚
...................★.........
yea
刪除