中庸與極端

中國人講求中庸，真的，有時事情看得過激過弱，都是會變得極端，細看以下例子：

樂觀例子
過少樂觀：明明今日風和日麗，都覺得太過平靜，聽日一定橫風橫雨。
過份樂觀：明明天文台預計超級台風聽日正面吹襲，都諗住聽日陽光普照，執定衫去郊遊。

和諧例子
過少和諧：蟻俠非常好人，都無諗住同佢和諧，一於自把自為、自成一國。
過份和諧：ＣＹ非常偽人，都要同佢和諧，一於忠奸不分咁維穩。

節檢例子
過少節檢：係唔係都餐餐鮑參翅肚、美酒佳餚。
過份節檢：明明足夠，但係唔係都餐餐腐乳豉油撈飯。

衛生例子
過少衛生：去完廁所唔洗手。
過份衛生：去完廁所洗手，幾乎摔到對手甩皮，仲要噴埋殺菌香水再戴手套。

大方例子
過少大方：借人哋7毫子，都追人7日7夜還錢。
過份大方：三唔識七，都借人十幾廿萬，仲要唔咁追還。

現實例子
過少現實：不計劃過，想結婚就結婚，結果好多問題。
過份現實：徹底計算後，想結婚變咗唔想結婚。

關心例子
過少關心：親人病咗，一啲表示都無，當佢透明。
過份關心：親人病咗，幾乎每隔一個鐘打俾佢，仲要佢食成擔補品。

鼓勵例木
過少鼓勵：唔踩佢就係鼓勵緊佢。
過份鼓勵：明明衰咗，都踩低對手嚟抬過佢，讚到佢天上有地下無。