2014年1月28日 星期二

新年新菜筵

炸麵包糠撈牛腱絲~喻意:健健康康

津白猴頭菇片拌滷味~喻意:白頭到老

鴨掌,鳳爪,熏蹄拼盤~喻意:滿足

吉仔汁肉腸吞拿魚意粉~喻意:吉祥如意

香脆蒜辣雞髀雞翼加碎蓮子鳳梨汁~喻意:比翼連理

昆布捲星型蘿蔔榚天婦羅~喻意:步步高升

甘筍紅菜頭火腿絲沙律加紫菜碎~喻意:紅到發紫

甜品-竽頭糖水、葿豆榚、馬仔及蓮子酥~喻意:馬年由頭甜到尾

2014年1月26日 星期日

新春對聯

中港矛盾暫放下
兩地同暢迎新歲
橫批~和諧賀年 


雙宿同棲添暖意
隻身獨遊享自由
橫批~各隨喜好 


建創家業耀祖先
買喥層樓娶老婆
橫批~願望成真 


開開心心自給自足
健健康康無病無痛
橫批~平順是福 


男人豪氣~彷如千百丈里
女士芳容~仍是十八年華
橫批~各得其所 


一元投資獲千倍利
兩口相愛擁萬種情
橫批~事事如意 


老闆管理事事有人性
同事合作樣樣無問題
橫批~開心上班 


無論大小 每家人平平安安
不分高低 各階層安安樂樂
橫批~國泰民喜

2014年1月22日 星期三

蟻氏又再圖文字

 沒有背過別人走過,無論怎樣的路程,也會遺留一種缺陷。

 執子之手的多,執父之手的少,有機會便抓緊吧!

 偶然的不同,都是一種喜悅。

 趁有機會,想想開心的事物,偷偷微笑吧!

縱然沒有色彩,只要心中璀璨,便是美。

有人說想孤舟獨行,但看著他的雙杖,就知他內心期望有伴同往!

 看到軍人,發現,有時外表的「型」與內在的「傷」是剛好相反。

不要怕,人生路上,總有不知名的守望者。

2014年1月19日 星期日

訪問

以下是阿美(假名)的真實個案,為保護當事人,整個訪問內容會經特別聲音處理:
記=記者  美=阿美

記:初初點解妳會嘗試第一次?
美:啲Fan叫囉,佢哋話會好high、好興奮。而者自己又後生,諗住試下都無妨,點知...
記:以前有冇人提過妳會產生嘅後遺症?
美:有,不過可能自己任性,未必會聽人講!加上自己又以為人哋係咁啫,自己唔一定會!
記:咁試咗之後,對妳有乜影響?
美:好大影響,好辛苦,而家工都返唔喥!
記:屋企人點睇?
美:佢哋都幫我,不過幫得一時唔幫得一世!
記:有咩嘢不適?
美:心煩、好攰、瞓唔喥。
記:對將來點打算?
美:見步行步,儘量安排可以做喥嗰啲嘢,但係都無乜信心,相信都係聽天由命!
記:以過來人嘅身份,妳有乜嘢想同大家講?
美:唔......想嘗試生第一胎嘅人真係要諗清楚,唔好啲人話生BB好high就生,又唔好諗住自己唔會怪獸化,最終辛苦只會係自己,為佢舖路真係令你斗唔喥氣!真係唔好立亂決定......


2014年1月16日 星期四

哪個是正詞?

請代本人查出哪個答案是對~

1) 有個以前同事從新返公司做,你應該叫佢做:
 a)新嘅舊同事     b)舊嘅新同事

2) 閉上眼,廣東話應該叫做:
a)合埋眼    b)恰埋眼   c)呢埋眼    d)may埋眼    e)hip埋眼    f)試埋眼

3)「桃姐」呢套戲個正確讀法係:
a)逃者   b)土者   c)逃遮   d)土遮

4) 「奶奶」呢個詞點讀:
a)賴舐 b)拉拉   c)乃乃

5)  話人皮膚滑溜,應該係叫:(尾之連詞為去音,即比正常高音)
a)滑嘟嘟   b)滑雪雪  c)滑劣劣

6) 在婚禮上,新郎會話-我願意娶妳為妻,咁新娘應該係講:
a)我嫁你為夫 b)我嫁你為妻

7) 「來」與「去」是表示兩個不同方向,如果我想對朋友A說朋友B正前往我家,口語應該怎說:
a)佢嚟(來)緊我屋企 b)佢去緊我屋企

8)如果形容一個人很悽慘,會怎樣說:
a)陰公囉,佢搞成咁! b) 冇陰公囉,佢搞成咁!




2014年1月12日 星期日

老細的比喻

老細係老師,佢只係提出問題或講出標準答案,當中處理過程由伙記搞掂。

老細係行政會議,佢有一籃子原因支持佢自己嘅決定,但唔會解釋俾你聽點解要咁做。

老細係藝術家,有藝術家脾性,一時咁樣,一時咁樣,你未必明佢想點。

老細係大耳窿,借你少少人工,要你還多多收益。

老細係冤靈,有時24小時纏住你唔放,令你膽戰心驚。

老細係重病人,要好多人貼貼服服嚟服侍佢。

老細係女人仔,好小器,唔好得罪佢。

老細係秘密,一般人唔會明目張膽攞出嚟講,只會偷偷私底下靜靜傾。

2014年1月10日 星期五

新世代戀(亂)愛格言


「愛情如衣服1-件衫唔襯、唔興、娘爆,就唔可能再著住佢咁老土。」

「愛情如衣服2-我係要有幾件衫換先得嘅人。」

「認為有情能飲水飽嗰啲人,始終會因營養不良而死。」

「選擇題-你認為女友是誰:他是你的兄弟?她是你的情人?牠是你的獵物?祂是你的女神?還是,它是你的貨品?」

「我鐘意佢嗰時,以為佢係一個真正嘅男人;我同佢分開嗰時,先意識到佢簡直唔係一個男人!」

「聖經話-魔鬼會化作光明的天使。這句話是對的。我的前度女友就是一個例子。」

「當妳仍然是他的女友時,妳是主人;若妳轉為是他的老婆,妳會變了僕人。」

「何為男人的專一:年少的男人,會愛年少的女人;年老的男人,也會繼續愛年少的女人。」

(以上純粹只是某些人的觀念、感受,請勿絶對化。)

2014年1月6日 星期一

知識與現實


問:婦女團聚會,十個濶太參加,如要圍圓坐,共開多少椅子?
學校答案:十張。
現實答案:二十張,每個濶太須預多一張椅子來放名牌袋。

問:在超市內看到兩個杯麵價錢$15,那麼一個杯麵多少錢?
學校答案:$7.5。
現實答案:一定高過$7.5/或不能只賣一個。

問:在公司內,兩個職員做一份工作,公司給予一天時間完成;若一個職員做該份工作,公司會給予多少天完成?
學校答案:兩天。
現實答案:公司仍是給予一天,嗰個職員點都要死掂佢。

問:十人在十天內完成一個小工程, 若以8,640,000人來分工,要多少時間完成?
學校答案:1秒。
現實答案:會好亂,做唔喥嘢。

問:「你放的屁兒比雷還要響」是用了甚麼手法?
學校答案:誇張比喻法,用以更觸動讀者去明白體會。
現實答案:虛假陳述,構成詐騙、誹謗罪,可受刑責。

問:自由市場下,會產生甚麼經濟結果?
學校答案:在供求關係影響下,價格會達至一個令相方亦接受的平衡。
現實答案:大財團壟斷,貧窮差矩越來越大。

問:牛肉的成份?
學校答案:蛋白質、脂肪、碳水化合物、纖維、鈣......
現實答案:牛肉精、防腐劑、色素......

問:從岳飛身上學習了甚麼?
學校答案:精忠報國。
現實答案:愚忠只會死路一條。

2014年1月4日 星期六

蟻氏譯名

Snoopy-屎落髀
McCafé-咪咁肥
Garfield Cat-奸肥貓
Tom Cruise唐古詩
Ironman-勾魂民
Facebook-費事搏
Gmail-至美好
Yahoo mail-也許美好
Hotmail-可美好
Starbucks-是他不是
Youtube-玉兔
Whatsapp-痾石
WeChat-胃差
Samsung-三叔
iPhone-歪風
Lady Gaga-呢啲加價