媽囡傳奇－人細鬼大

媽：我不是說過今天的事今天作麼？還不收拾好妳玩過的玩具？
囡：這都是昨天拿出來的玩具，所以今天不能收拾！

媽：今天學校到動物園參觀，看到最多的動物是甚麼？
囡：老師和同學。

媽：飯碗吃得不乾淨，將來臉上會長班點啊？
囡：到時我會問妳借「神仙水」用。

媽：如果我讓妳養竉物，妳想要甚麼？
囡：弟弟一個。

媽：甚麼？妳要探Iris？她不是跟父母去了美國廸士尼旅行麼？
囡：探好朋友，又怎會嫌遠的呢？（普通話）

媽：不要叫嫲嫲經常買東西給妳？
囡：我沒有叫，只是暗示！

媽：爸爸今天要加班，晚些才回來！
囡：為何他不早點加班？那麼便可以早點走。

媽：今天老師說妳上課時不專心，「靜雞雞」與同學傾談？
囡：我真的沒有「靜靜雞」！

口頭禪

在緊張時或習慣下，人會不覺地在演說中，加入很多口頭禪或重複字，細看以下例子：

〔原文〕
您哋好！今日想同大家分享下蟻俠個網誌。蟻俠係一個傳奇人物，佢寫啲嘢好有創意同啟發性，所以睇佢個網誌，會令人會心微笑。就好似今日介紹呢篇，講及好多人喺緊張講嘢時，都會比平時用多好多重複字，睇咗啲人都好有共鳴，而且好有幫助，等人下次講嘢嗰會特別留意一下，加強咗有啲人嘅表逹能力，都係好事。

〔「其實」篇〕
 您哋好！其實今日想同大家分享下蟻俠個網誌。蟻俠其實係一個傳奇人物，佢寫啲嘢其實好有創意同啟發性，所以睇佢個網誌，其實都會會心微笑。就好似今日介紹呢篇，講及其實好多人喺緊張講嘢時，都會比平時用多好多重複字，睇咗啲人其實都好有共鳴，而且好有幫助，等人下次講嘢嗰時其實會特別留意一下，加強咗有啲人嘅表逹能力，其實都係好事。

〔「嘅」篇〕
 您哋好！今日想同大家分享嘅嘢，係蟻俠嘅網誌。蟻俠係一個傳奇嘅人物，佢寫嘅嘢好有創意同啟發性嘅，所以睇佢個網誌，會令人發出會心嘅微笑。就好似今日介紹嘅呢篇，講及好多嘅人喺緊張講嘢嘅時侯，都會比平時用多好多重複嘅字，睇咗嘅人都好有共鳴，而且好有幫助，等人下次講嘢嗰會特別嘅留意一下，加強咗有啲人嘅表逹嘅能力，都係好嘅事。

 〔「呢」篇〕
 您哋好呢！今日想同大家分享下蟻俠個網誌呢。蟻俠係一個傳奇人物，佢寫啲嘢好有創意同啟發性呢，所以睇佢個網誌，會令人會心微笑呢。就好似今日介紹呢篇呢，講及好多 人喺緊張講嘢時，都會比平時用多好多重複字呢，睇咗啲人都好有共鳴，而且好有幫助呢，等人下次講嘢嗰會特別留意一下，加強咗有啲人嘅表逹能力，都係好事呢。

唔知各街坊有冇呢方面個問題呢？

忙亂

如你經常有以下情況發生，請即請假調節心靈：

1)將污糟衫放咗入垃圾筒，將啲癈物放咗入洗衣機。
2)週不時，中午過後叫人早晨。
3)whatsapp俾人叫人18:00pm等。
4)去西餐廳點菜話要碟虾餃燒賣。
5)去提款機噤錢，輸入咗公司影印機個密碼。
6)攞張身份證插咗入提款機攞錢。
7)喺茶餐廳食飯，攞咗搭枱位仁兄杯奶茶嚟飲。
8)喺屋企棟大廈搭lift，噤咗公司嗰層樓數。
9)咁上下會戴住眼鏡搵眼鏡。
10)喺街突然見喥劉華，同佢講：我好鐘意你嫁，黎明。

活學活用之「一籃子原因」

員工：為甚麼扣我人工？
老闆：董事會經過多輪開會，有一籃子原因決定扣你人工，但不公開。

市民：我犯了甚麼事？為甚麼要拘捕我？
警察：我們經過多輪觀察，有一籃子原因決定拘捕你，而於罪名便不便公布。

家長：我的孩子成績這麼好，為甚麼不能升班？
校長：我們經過多輪教務會議，有一籃子原因決定令郎不能升班，理由是個秘密。

家屬：我女兒是否因醫療失誤而死？
醫生：我們經過多輪商討研究，有一籃子原因認為不是醫療失誤，有關解釋不能告訴你。

網民：為甚麼刪除了我所有的網誌？
網商：我們經過多輪思考，有一籃子原因支持刪除你的網誌，不用解釋。

市民：為甚麼垃圾徵費要每個月收$3,000？
政府：我們經過多次分析， 有一籃子原因作這個決定，但不能跟你透露。

港府：有關人質事件，為甚麼不能向港人道歉及賠償？
菲府： 我們經過多次考慮，有一籃子原因表示我們不能向港人道歉及賠償，理由涉及本國運作，不能告訴你。

受害少女：為甚麼不控告這個色郎強姦我？
律政處：我們經過多重審視案情，有一籃子原因讚成不控告他，無須向妳說明。

事件成語

近嚟好興將一些事件縮為成語.......以下係蟻俠引伸而嚟啲成語：

1)打巴跪受－女方當眾打男方十幾巴，男方仍然跪地接受。
　（形容：一個願打一個願捱）

2)童努無牌－魔童努力開辦電視台，卻在不知情下，不獲政府發牌。
　（形容： 一場努力，結果只係俾人玩一鑊）

3)會不辱狗－某議員話立法會不會侮辱狗。
　（形容：某些人嘅賤格程度比狗仲底）

4)廉頭奢支－湯顯明出任前廉政專員五年間，多項奢侈開支，涉違規酬酢及送禮行為。
　（形容：知法犯法，自打嘴巴的行為）

5)剛攝索萬－變形金剛在港拍攝期間，工作人員遭人掌摑索償十萬。
　（形容：影響範圍廣大的壞行為）

6)墮價臨加－一東莞少女在手術室進行墮胎時，卻遭臨時加價。
　（形容：以肉隨砧板上的方式，要脅苛索利益。）

偏心

對住靚女，一定話好
對住豬扒，乜都say no

二奶買乜，通通疏爽
老婆購物，擋得就擋

見喥濶佬，係咁虾佬
見喥乞兒，即刻著草

上級發令，奉為真理
下級表達，採你有味

霸權犯法不追究
蟻民小罪有監踎

損友讚美全接受
良朋勸諫要收口

大隻佬就有得就
瘦弱者點都要拗

型郎進餐有餸加
毒男食晏成碗渣

傳傳下．．．．．．．．．．．

Bosco loves orange ......傳傳下......Bosco loves 汪明荃

好多人都鐘意禮物......傳傳下......好多人都鐘意蟻俠

佢老婆都幾賢淑......傳傳下......佢老婆都幾嚴肅

無見阿May一排，佢有腦咗好多......傳傳下......無見阿May一排，佢又老咗好多

嗰次同蟻俠去行山，發覺佢好行得......傳傳下......嗰次同蟻俠去行山，發覺佢好咸濕

阿強今日搞到咁掂，都因為佢各方面都好醒......傳傳下......阿強今日搞到咁癲，都因為佢各方面都好勝

阿敏落嗰劑藥係遇咗苦......傳傳下.......阿敏落過仔，弱係遇咗，苦

三日後見......傳傳下......生日後見

分別詞彙(大與小)

不要以大與小就是相反，看看以下詞彙：
1) 大律師（訟務律師）、小律師（名不經傳的事務律師）
2) 大蕃薯（老夫子人物）、小蕃薯（細小的蕃薯）
3) 大人（成年人、官員）、小人（陰險之徒）
4) 大熊貓（熊貓）、小熊貓（浣熊）
5) 大班（富豪、夜總會領班）、小班（減少老師對學生比例的班別）
6) 大家（屬於同一族群的一類人）、小家（小器、斤斤計較的性格）
7) 大眼仔（隱形眼鏡）、小眼仔 （眼睛細小）
8) 大氣（地球邊緣嗰層氣體）、小氣（小心眼、嫉妒）