〔原文〕
您哋好！今日想同大家分享下蟻俠個網誌。蟻俠係一個傳奇人物，佢寫啲嘢好有創意同啟發性，所以睇佢個網誌，會令人會心微笑。就好似今日介紹呢篇，講及好多人喺緊張講嘢時，都會比平時用多好多重複字，睇咗啲人都好有共鳴，而且好有幫助，等人下次講嘢嗰會特別留意一下，加強咗有啲人嘅表逹能力，都係好事。
〔「其實」篇〕
您哋好！其實今日想同大家分享下蟻俠個網誌。蟻俠其實係一個傳奇人物，佢寫啲嘢其實好有創意同啟發性，所以睇佢個網誌，其實都會會心微笑。就好似今日介紹呢篇，講及其實好多人喺緊張講嘢時，都會比平時用多好多重複字，睇咗啲人其實都好有共鳴，而且好有幫助，等人下次講嘢嗰時其實會特別留意一下，加強咗有啲人嘅表逹能力，其實都係好事。
〔「嘅」篇〕
您哋好！今日想同大家分享嘅嘢，係蟻俠嘅網誌。蟻俠係一個傳奇嘅人物，佢寫嘅嘢好有創意同啟發性嘅，所以睇佢個網誌，會令人發出會心嘅微笑。就好似今日介紹嘅呢篇，講及好多嘅人喺緊張講嘢嘅時侯，都會比平時用多好多重複嘅字，睇咗嘅人都好有共鳴，而且好有幫助，等人下次講嘢嗰會特別嘅留意一下，加強咗有啲人嘅表逹嘅能力，都係好嘅事。
〔「呢」篇〕
您哋好呢！今日想同大家分享下蟻俠個網誌呢。蟻俠係一個傳奇人物，佢寫啲嘢好有創意同啟發性呢，所以睇佢個網誌，會令人會心微笑呢。就好似今日介紹呢篇呢，講及好多 人喺緊張講嘢時，都會比平時用多好多重複字呢，睇咗啲人都好有共鳴，而且好有幫助呢，等人下次講嘢嗰會特別留意一下，加強咗有啲人嘅表逹能力，都係好事呢。
唔知各街坊有冇呢方面個問題呢？
你有冇讀過大陸網上的「萬言書」，篇篇都成萬字嘅網誌文章，冇用過「其實」、「嘅」同「呢」，但用咗好多其他嘅廢字，廢句，廢段，甚至全篇係廢文……
回覆刪除咁都癈事睇啦.......
刪除口頭禪好多人都有.... 不過我覺得係咪最尾都加個「囉」字, 真係幾討厭!! ( 個語氣即時變得不好! )
回覆刪除係囉．．．．．
刪除嘻嘻，我既口頭禪係。。你傻。。。。。
回覆刪除諗起以前，同啲親戚食飯，阿爸阿媽都好興講－傻啦你，呢餐我請。
刪除哈哈~~~我地以前呀sir都好鐘意講ok架~~句句都有ok~~我地叫佢ok sir~
回覆刪除佢一定有親戚開便利店，所以狂幫佢宣傳．．．．．．．．．
刪除「口頭禪」我自己唔知架!旁觀者清..即係咩呢???
回覆刪除會唔會係．．．「我自己唔知架」
刪除