兼職少年殺人檔案主角簡介
當你聽到我的名字-包武粹,可能只會哈哈大笑一餐,但如果你知道我的祖先就是頂頂大名的包青天,可能對我又有另類想法,不錯,我繼承了祖先的智慧,也繼承了祖先的際遇...不知由那一代開始,家族開始棄文習武,故家父改我的名字為武粹,希望我發揚這些國粹。本是武館的二當家,可是往往在某種因素下,不得不常常兼職副業,在兼職其間,竟又會多次遇上不尋常的謀殺案件,莫非祖先要我使用遺傳下來的智慧,造就成解開被遮蔽迷團的命運?
引言
兼職大廈保安的武粹,在十六樓巡邏時,發現16B單位住客陳建義在單位睡房內給人用漏電發熱棒電死,警方推斷死亡時間為晚上6:30~7:30。由於十六樓晚上6:00~
7:00剛進行停電檢查,以這種用交流電來發熱的熱棒來計,陳建義應停電前被殺。
大廈平面圖
由於陳建義晚上經常帶朋友返家中玩樂嘈吵,極度影響其兩旁及上下之單位,故經常受到16A、16C、15B及17B的鄰居投訴,甚至產生結怨。陳建義在前兩天曾遺失了鎖匙,尚未找到,好在他曾配置後備匙作應用。當天電力公司作十六樓之檢查,故此曾停了該層樓層電力一小時。推斷陳建義因停電無沒法邀約朋友到其家,躺在床上休息,因而被兇手趁機殺掉。
四個可疑人物的情況
李文強,16A 住客,推理小說作家,與妻子同住,案發時身為空姐的妻子不在港,自稱當天在單位內寫稿,6:45-7:45在留下餐廳用膳(己被證實)。
張杰豪,16C住客,攀山教練,單身,工作至晚上7:30才返回家中(己被證實)。
黎君耀,15B住客,開鎖匠,單身,案發當天在店鋪工作至晚上11:00(已被證實)。
麥志年,17B住客,電器公司東主,單身,當天6:00從店鋪店返回家中,7:00離開與友人相聚(已被證實)。
武粹結論
「迷團解於智者」從各人的不在場證據,已確定某人可能就是兇手,並估計他用了某些工具犯案。
上期答案
1)如果死者留言並非圈著3/12,她的目的便可能是星期三,正好在場人物的姓名排列的開頭字母皆為M T W T F S S (一星期七天的簡稱),故兇手便可能是簡稱W的William。
2)因眾人除了英文名以外,不涉漏其他個人資料-可能包括性別。所以之前除了Sara,沒有知道Cindy的真正性別。一般人只能按英文名估計性別,大部份群組參加者皆英文名的性別性都很清晰,唯Jackie(亦是Jacqueline的簡稱)的名男女合用,可是William在不知Cindy是男性的清況下,卻推斷出他們是六女三男,很可能證明他見過死者一面,為兇手的成數很高。
2014年7月23日 星期三
2014年7月9日 星期三
兼職少年殺人檔案-網絡群組殺人事件
兼職少年殺人檔案主角簡介
當你聽到我的名字-包武粹,可能只會哈哈大笑一餐,但如果你知道我的祖先就是頂頂大名的包青天,可能對我又有另類想法,不錯,我繼承了祖先的智慧,也繼承了祖先的際遇...不知由那一代開始,家族開始棄文習武,故家父改我的名字為武粹,希望我發揚這些國粹。本是武館的二當家,可是往往在某種因素下,不得不常常兼職副業,在兼職其間,竟又會多次遇上不尋常的謀殺案件,莫非祖先要我使用遺傳下來的智慧,造就成解開被遮蔽迷團的命運?
引言
武粹兼職速遞期間迷了路,乘電單車到達一豪華別墅,不料這裡正發生殺人事件。好友林在山督察便拉攏武粹查案...
死前記號
死者Jackie被人利刀刺胸死亡,死前在記事簿上留下血所畫上的記號:
各在場人士的個別口供
Fred:我是一名警察,是我發現死者的。除死者外,我是第一位來到這裡,當發現Jackie橫屍屋外,便封鎖現場,通知警局。在場者其實都是在網絡上所認識群組的朋友-太約在兩年前,我們開始建立這群組,為了更釋放地無所不談,故我們除了用英文名作確定個人身份外,所有個人其他資料也不公開。直至因為某些不開心事件,我們決定解散群組,故Jackie才相約我們到他的別墅作一次真正見面。
Tina:Jackie通知我們在今天,即12月5日到他的別墅會面,並在抵步前貼上他傳遞給我們親寫的名牌,以作記認。除了Fred,我們到達時,現場已封鎖。至於半年前不愉快事件,其實就是我們群組中的Cindy,她某次被Jackie言語傷害後,便揚言自殺,之後就不再在群組出現。我們也不知道她是死是活!Cindy經常向我們作出鼓勵,所以在群組內最受歡迎!
William:我來了看到各人貼了的名牌,才知道各人的真身。我們六女三男本是網上的寂寞人,在隱藏身份下成為好友,可惜各有各性格。身份可以淹蓋,但人性卻不能遮蔽。我相信我們終有日會分開,但想不到這麼快......
Sue:都是那Jackie,他那高傲的性格...最初因為他學識廣博,還感到他給予我們很大幫助,想不到他越來越不可一世,今天看那豪華別墅,才發現他是富有人家!從Cindy的口氣,可見她是一個弱質善良的女子,受到Jackie一次一次的攻擊又怎能受得了?
Mandy:我們九人都有不同性格,Jackie較高傲、Fred較冷靜、Cindy很善良、Thomas很沉實、Tina重感情、William較成熟、Sue心直口快、Sara活潑開朗、我本人則較現實。想不到九種性格還是混不在一起!對於Cindy離開,Tina、William、Sue及Sara最傷心。
Thomas:除屋主外,我們到場的次序是Fred、Mandy、Sue、我、William、Sara、Thomas及Tina。我們到達後,Fred便通知我們Jackie被殺,叫我們在門外等後,他在屋內等警方來。
Sara:可能這事都是因Cindy離開所引致...都是我不好,不一早說明Cindy的情況,我一早與Cindy熟悉,他其實是個男生,由於性格柔弱,故不敢認作男兒,當受傷之後,他反而振作起來,不願再扮作Cindy,而離開群組。
武粹結論
「迷團解於智者」從死者留下記錄及以上口供,我己經找到凶手了。
(不知你找到了沒有?下期揭曉)
當你聽到我的名字-包武粹,可能只會哈哈大笑一餐,但如果你知道我的祖先就是頂頂大名的包青天,可能對我又有另類想法,不錯,我繼承了祖先的智慧,也繼承了祖先的際遇...不知由那一代開始,家族開始棄文習武,故家父改我的名字為武粹,希望我發揚這些國粹。本是武館的二當家,可是往往在某種因素下,不得不常常兼職副業,在兼職其間,竟又會多次遇上不尋常的謀殺案件,莫非祖先要我使用遺傳下來的智慧,造就成解開被遮蔽迷團的命運?
引言
武粹兼職速遞期間迷了路,乘電單車到達一豪華別墅,不料這裡正發生殺人事件。好友林在山督察便拉攏武粹查案...
死前記號
死者Jackie被人利刀刺胸死亡,死前在記事簿上留下血所畫上的記號:
各在場人士的個別口供
Fred:我是一名警察,是我發現死者的。除死者外,我是第一位來到這裡,當發現Jackie橫屍屋外,便封鎖現場,通知警局。在場者其實都是在網絡上所認識群組的朋友-太約在兩年前,我們開始建立這群組,為了更釋放地無所不談,故我們除了用英文名作確定個人身份外,所有個人其他資料也不公開。直至因為某些不開心事件,我們決定解散群組,故Jackie才相約我們到他的別墅作一次真正見面。
Tina:Jackie通知我們在今天,即12月5日到他的別墅會面,並在抵步前貼上他傳遞給我們親寫的名牌,以作記認。除了Fred,我們到達時,現場已封鎖。至於半年前不愉快事件,其實就是我們群組中的Cindy,她某次被Jackie言語傷害後,便揚言自殺,之後就不再在群組出現。我們也不知道她是死是活!Cindy經常向我們作出鼓勵,所以在群組內最受歡迎!
William:我來了看到各人貼了的名牌,才知道各人的真身。我們六女三男本是網上的寂寞人,在隱藏身份下成為好友,可惜各有各性格。身份可以淹蓋,但人性卻不能遮蔽。我相信我們終有日會分開,但想不到這麼快......
Sue:都是那Jackie,他那高傲的性格...最初因為他學識廣博,還感到他給予我們很大幫助,想不到他越來越不可一世,今天看那豪華別墅,才發現他是富有人家!從Cindy的口氣,可見她是一個弱質善良的女子,受到Jackie一次一次的攻擊又怎能受得了?
Mandy:我們九人都有不同性格,Jackie較高傲、Fred較冷靜、Cindy很善良、Thomas很沉實、Tina重感情、William較成熟、Sue心直口快、Sara活潑開朗、我本人則較現實。想不到九種性格還是混不在一起!對於Cindy離開,Tina、William、Sue及Sara最傷心。
Thomas:除屋主外,我們到場的次序是Fred、Mandy、Sue、我、William、Sara、Thomas及Tina。我們到達後,Fred便通知我們Jackie被殺,叫我們在門外等後,他在屋內等警方來。
Sara:可能這事都是因Cindy離開所引致...都是我不好,不一早說明Cindy的情況,我一早與Cindy熟悉,他其實是個男生,由於性格柔弱,故不敢認作男兒,當受傷之後,他反而振作起來,不願再扮作Cindy,而離開群組。
武粹結論
「迷團解於智者」從死者留下記錄及以上口供,我己經找到凶手了。
(不知你找到了沒有?下期揭曉)
2014年7月1日 星期二
十七載
回歸十七載 香江多變改
當初英時代 今中國涵蓋
往昔飛躍哉 各方展人才
停滯是現在 多業已遭災
霸權成主宰 市民只無奈
國勢強四海 本地卻下怠
首特首懵呆 部份官落台
次特首貪財 下屬廉不再
今特首遺害 司長亦活該
再問問將來 只盼神眷愛
2014年6月18日 星期三
世界盃效應
女朋友:今晚食咩菜好?
男朋友:我鐘意法國同意大利,不過日本都OK。
記者:三個抗議者,正從後排走向前,警方派出兩名警員攔截,可惜俾其中一名抗義者一個假身閃過,抗義者帶竹竿向門口衝去,守門警想飛身撲救,但捉錯咗路,哎呀,竹竿直射門口,全場大喊,立法局門口就此攻破。
數學老師:如果成份是4:2之比,便可化成2:1。
學生:老師,如果巴西贏墨西哥4:2,可否化成2:1?
店員:我們來了很多新款的保暖杯,先生,你想要哪一款?
客人:世界盃。
老婆:剛剛追完套韓劇,不用再折磨你,今晚可以好好享受二人世界了 。
老公:對不起!老婆,我要折磨妳了...世界盃已開籮...
A:我啱啱睇喥一班熊貓!
B:乜你咁好彩,見喥啲紙熊貓!
A:唔係!係成班同事唔瞓睇波,變晒熊貓。
主任:呢排跑唔夠數喎?
經紀:本來搵喥個大客,以為可以成勝追擊,大腳抽射,只可惜臨門撻Q,俾人哋執死雞,撬咗個老細去。
主任:總之,再係交唔足數,你就紅牌出場。
甲:為何遲到?
乙:我收到1,000個Whatsapp講世界盃,睇完成見喥你個留言。
2014年6月9日 星期一
故事與教訓續集
故事與教訓
故事:
太太滿心期盼地問: 假如我們突然擁有一千萬美金,我們應怎樣安排?
丈夫: 第一步,找專家驗一驗這些美金真偽; 第二步,聯絡警方,看是否有人遺失。
教訓:
凡事想得太現實,就沒有浪漫可言。
XXXXXXXXXXXXXXXXXXXXXXXXXXXXXXXX
故事:
不小心將剛買勁型的穿窿牛仔褲留在婆婆家裡。
婆婆來電慈祥地說:乖孫,剛才留下的牛仔褲,已經幫妳補好了。
教訓:
親情沒有完美,卻出自真心。
XXXXXXXXXXXXXXXXXXXXXXXXXXXXXXXX
故事:
在搭枱的二人正在你死我活地爭著結賬。
我忍不住便開口說:何必這樣?
他人們竟異口同聲說:少管閒事。
最後我只能理直氣壯回應:你們為何拿著我的單死不放手?
教訓:
我們不斷在爭,可能到頭來才發現爭取的東西原來不屬於自己。
故事:
太太滿心期盼地問: 假如我們突然擁有一千萬美金,我們應怎樣安排?
丈夫: 第一步,找專家驗一驗這些美金真偽; 第二步,聯絡警方,看是否有人遺失。
教訓:
凡事想得太現實,就沒有浪漫可言。
XXXXXXXXXXXXXXXXXXXXXXXXXXXXXXXX
故事:
不小心將剛買勁型的穿窿牛仔褲留在婆婆家裡。
婆婆來電慈祥地說:乖孫,剛才留下的牛仔褲,已經幫妳補好了。
教訓:
親情沒有完美,卻出自真心。
XXXXXXXXXXXXXXXXXXXXXXXXXXXXXXXX
故事:
在搭枱的二人正在你死我活地爭著結賬。
我忍不住便開口說:何必這樣?
他人們竟異口同聲說:少管閒事。
最後我只能理直氣壯回應:你們為何拿著我的單死不放手?
教訓:
我們不斷在爭,可能到頭來才發現爭取的東西原來不屬於自己。
2014年6月5日 星期四
天使與魔鬼
有人說人內心有兩把聲音:一把來自天使,一把來自魔鬼。
你認為以下哪是天使的聲音? 哪是魔鬼的聲音~
1.起床時
聲音A:早啲起身無咁趕
聲音B:瞓多一陣先夠爽
2.食飯時
聲音A:食得健康最實際
聲音B:享受人生先快慰
3. 工作時
聲音A:勤奮忠誠努力做
聲音B:只是血肉勿太勞
4. 戀愛時
聲音A:愛須長久要忍讓
聲音B:不合分手免受傷
5. 教仔時
聲音A:痛在今時將來好
聲音B:童年開心才正路
6.抗爭時
聲音A:守法和平合體統
聲音B:為了未來紅燈衝
7.娛樂時
聲音A:玩物太多會喪志
聲音B:人不盡興無意思
8. 絕症時
聲音A:必需求生勿放棄
聲音B:勉強延命更傷悲
你會聽A還是聽B說?
你認為以下哪是天使的聲音? 哪是魔鬼的聲音~
1.起床時
聲音A:早啲起身無咁趕
聲音B:瞓多一陣先夠爽
2.食飯時
聲音A:食得健康最實際
聲音B:享受人生先快慰
3. 工作時
聲音A:勤奮忠誠努力做
聲音B:只是血肉勿太勞
4. 戀愛時
聲音A:愛須長久要忍讓
聲音B:不合分手免受傷
5. 教仔時
聲音A:痛在今時將來好
聲音B:童年開心才正路
6.抗爭時
聲音A:守法和平合體統
聲音B:為了未來紅燈衝
7.娛樂時
聲音A:玩物太多會喪志
聲音B:人不盡興無意思
8. 絕症時
聲音A:必需求生勿放棄
聲音B:勉強延命更傷悲
你會聽A還是聽B說?
2014年6月2日 星期一
你認為這是甚麼書?
你覺得呢本書叫咩嘢名:
某男士:「女人發你脾氣的理由」
某女子:「賤男人收集女生相集」
某學生:「小中大學課本大全」
某老頭:「我一生的大小事」
某哲人:「用一生看的書-按年齡閱讀」
某智者:「每頁一字的小說」
某海關:「請通穿這書-收藏你的秘密」
某裝修:「紙製長櫈」
某男士:「女人發你脾氣的理由」
某女子:「賤男人收集女生相集」
某學生:「小中大學課本大全」
某老頭:「我一生的大小事」
某哲人:「用一生看的書-按年齡閱讀」
某智者:「每頁一字的小說」
某海關:「請通穿這書-收藏你的秘密」
某裝修:「紙製長櫈」
2014年5月28日 星期三
常見矛盾句子
在日常生活中,我們會經常聽到一些矛盾句子,以下是一些實際例子:
老闆對下屬講:「唔舒服就早啲返屋企斗啦......走之前搞掂文記個file,放喺我枱面。」
(矛盾點-可以早啲走定唔可以早啲走呢?)
女友對男友講:「今日我靚唔靚先?話我唔靚-唔放過你架! 」
(矛盾點-可以選擇定唔可以選擇?)
學長對學弟講:「呢條數好易嫁咋,只要Tan....Cos.....Log.....再開方....轉做二進位,,,再用畢氏定理....按多邊形內角和原則就計喥嫁啦。」
(矛盾點-條數易定難?)
靚模對記者講:「做我哋呢行,唔一定要靚,但最緊要夠索。」
(矛盾點-做呢行一定要靚定可以唔靚?」
濶太對朋友講:「我屋企豆腐潤咁細嫁咋,得嗰萬零呎,一個前園,一個後園咋嘛。」
(矛盾點-呢個屋企算大定細?)
客戶對伙記講:「咁大隻烏蠅,盲都睇得見啦!」
(矛盾點-盲係睇得見定睇唔見?)
教練對家長講:「你個仔嘅出席率係有記錄以嚟無記錄。」
(矛盾點-個仔係有記錄定無記錄?)
自己對自己講:「我除咗粗口、咸濕、縮骨、講大話、做嘢懶散外,都算係一個好人。」
(矛盾點-我係好人定唔好人?)
老闆對下屬講:「唔舒服就早啲返屋企斗啦......走之前搞掂文記個file,放喺我枱面。」
(矛盾點-可以早啲走定唔可以早啲走呢?)
女友對男友講:「今日我靚唔靚先?話我唔靚-唔放過你架! 」
(矛盾點-可以選擇定唔可以選擇?)
學長對學弟講:「呢條數好易嫁咋,只要Tan....Cos.....Log.....再開方....轉做二進位,,,再用畢氏定理....按多邊形內角和原則就計喥嫁啦。」
(矛盾點-條數易定難?)
靚模對記者講:「做我哋呢行,唔一定要靚,但最緊要夠索。」
(矛盾點-做呢行一定要靚定可以唔靚?」
濶太對朋友講:「我屋企豆腐潤咁細嫁咋,得嗰萬零呎,一個前園,一個後園咋嘛。」
(矛盾點-呢個屋企算大定細?)
客戶對伙記講:「咁大隻烏蠅,盲都睇得見啦!」
(矛盾點-盲係睇得見定睇唔見?)
教練對家長講:「你個仔嘅出席率係有記錄以嚟無記錄。」
(矛盾點-個仔係有記錄定無記錄?)
自己對自己講:「我除咗粗口、咸濕、縮骨、講大話、做嘢懶散外,都算係一個好人。」
(矛盾點-我係好人定唔好人?)
2014年5月13日 星期二
打救飲食業...........
家下香港飲食業請人好難,因為新一代唔鐘意做,以下啲橋唔知可唔可以幫喥啲舖頭呢..........
1)美人計策~先高薪請一個超索服務員(唔一定要做喥嘢),再以最低工資招聘男女侍應。
2)投其所好~改變侍應模式,切合新一代行為,如客人以whatsapp落單,伙記以打機式入賬(快而準會計積分)。
3)提高當次~侍應改名叫大堂行政執行主任(代印咭片),制服為OL裙或高Cutting西裝。
4)盡展才華~新一代講盡展所長,侍應工作之餘,有part俾佢哋係鋪頭畫畫、夾band、跳舞。
5)有食有住~家下啲年輕人鐘意獨立自己住,如果舖頭可以改變一下裝修,日頭係餐廳、打洋後變劏房(唔好好似以前咁得張爛鬼帆布床),為佢哋提供食宿,可能有得諗諗。
6)改變宣傳~在各院校開辦講座,由學者名人分享,潛移默化,令人體會飲食業有專業及文化氣色。
7)轉為比賽~新一代鐘意有挑戰性,唔好用招聘字眼,改為辦「新晉飲食達人挑戰賽大奬」,勝出者可獲集團一年合約。
8)清楚進升~好多後生仔膽心入飲食業呢行無前途,如請人時,列清進升時段(如三年由初級升高級,高級二年後升主任...),若果佢真係做喥咁耐,你唔升佢,都無第二個有得升。而且只係個虛銜,人工加些少,但啲後生就始終覺得有位上囉。
2014年5月8日 星期四
金像電影論人生
男人就如站在「無間道」上的「半邊人」,誰都要像「一代宗師」「葉問」,在種種決擇上打「打擂台」,面對何等「臥虎藏龍」的「大隻佬」,也要彰顯「英雄本色」,發輝生命的那套「功夫」,就是傷痕無數,也要成為一個不死的「跛豪」。待「似水流年」以後,你會發現你經過的是「寒戰」,或是「甜蜜蜜」的片段,在「父子」傾訴時,你會無意中「千言萬語」地細訴這個「香港製造」的故事,讓下一代承傳,相信這「父子情」的交替,正述說你「飛越黃昏」的總結。
2014年5月4日 星期日
女友的回應
女友問:你認為點揸主意?
男友:由我決定囉!-女友:你一啲都唔尊重我!
男友:由妳決定勒!-女友:無啲主見,點做男人!
女友問:我好似肥咗啲啊!
男友:無吖,都係好FIT!-女友:最憎人口花花,唔坦白!
男友:係肥咗少少!-女友怒睥!
女友問:你話頭先個女仔靚唔靚?
男友:唔靚,絕對唔靚!-女友:口不對心,妳估我唔知你心點諗咩!
男友:靚,勁靚!-女友:咁靚,你去追佢囉,唔好搵我!
女友問:阿媽問我哋幾時結婚?
男友:出年結好無?-女友:呢兩年,我想全力發展我啲事業!
男友:遲多兩年先結。-女友:女人嘅青春好有限,你要我等幾耐?
女友問:你話食韓燒定魚生好?
男友:韓燒。-女友:我驚熱氣生粒粒!
男友:魚生。-女友:呢排我腸胃唔好,唔知受唔受得生冷嘢!
女友問:前男友叫我去食飯。
男友:唔好去!-女友:做男人,有冇你咁少氣呀!
男友:放心去!-女友:乜你一啲都唔妒忌架咩?究竟你愛唔愛我?
女友問:頭先個八婆鬧我。
男友:好,我去鬧返佢!-女友:話咗你啦!成日都唔衝動!你鬧返佢咪成個八公咁囉!
男友:算把啦!-女友:你究竟緊唔緊我?有人虾我,你都做縮頭龜!(喊)
女友問:妳話我阿妹靚定我靚?
男友:妳靚!-女友:咁你即係話我阿妹唔靚?我好錫我阿妹架!
男友:妳阿妹靚!-女友:你咩嘢意思!即係話我唔靚啦!
2014年4月28日 星期一
不識字,便出事
民初有一富二代,有讀寫障礙,但又不肯承認,某次寫信予遠人,以對付情敵,原文如下:
持信者為手兄之情敵 此人奪我所愛 現到貴行求事 請允所許 但不要憐恤 派其作卑賤職位 如可 調為管理樓層雜務 事事交其辦理 記著 勿惜 將其勞役至死 莫多添享受空間 若如實辦理 貴行必獲好處
但有字忘了筆劃,便以X代替....
持信者為手兄之情X 此人X我所愛 現到貴行求事 請允所許 但不要XX 派其作卑賤職位 如可 調為管理X層XX 事事交其辦理 記著 勿X 將其勞役至死 X多添享受空間 若如實辦理 貴行必獲好處
沒了X,看結果如何......
持信者為手兄之情敵 此人奪我所愛 現到貴行求事 請允所許 但不要憐恤 派其作卑賤職位 如可 調為管理樓層雜務 事事交其辦理 記著 勿惜 將其勞役至死 莫多添享受空間 若如實辦理 貴行必獲好處
但有字忘了筆劃,便以X代替....
持信者為手兄之情X 此人X我所愛 現到貴行求事 請允所許 但不要XX 派其作卑賤職位 如可 調為管理X層XX 事事交其辦理 記著 勿X 將其勞役至死 X多添享受空間 若如實辦理 貴行必獲好處
沒了X,看結果如何......
2014年4月26日 星期六
太爺的手稿
到鄉下祖屋執拾舊物時,偶然發現太爺留下的一份手稿,可惜部份已破舊,只遺餘這些內容...
那年十月,隨鄰鄉九斤及六斤哥到香江打工,唯見市面一片混亂,打鬥不斷,鎗聲四起,差點被流彈誤傷,唯恰巧被路過之黃飛鴻師傅以醉拳所救,才不有失。及至後期,打聽了消息,說清政府正暗殺一叫孫文之人,數年後,這人推翻了满洲國,為中國建了新開始。
新政府開始,時局仍動盪,回鄉後,與同鄉知心兄弟朱錦春、丁力、譚昇正謀出路,偶遇一奇人,他說我們皆有奇遇,叫我們馬上離家,奇人只留其姓為「都」。朱錦春與其家中兄弟往南下,丁力向上海出發,而譚昇則跟姐譚小棠賣藝為生。我便四處飄搖,曾拜殭屍道長毛小方學藝,但非池中物,未能驅走廣昌隆冤魂,又誤令友人況天佑被殭屍所傷,不知所踪;後得方家茶園不棄,謀得雜務一職,由鵪鶉仔師傅方有為傳予炒茶之技,但好景不常,茶園家道中落。被呆子阿旺引至一村落,發現該村落有異能十兄弟,有次他們共同發輝力量,竟將一位怪人引來該村,他說他是賭聖,來自未來,來上海找丁力。經賭聖幫助,找到了丁力及譚昇,原來他們已不是當初的黃毛小子,一為大亨,一為千王。我未接受與黑幫為伍,趁夜乘火車離開上海,旁坐有名陳真者,竟被日本人追殺,幸得另一師傅葉問相助,逢凶化吉。從陳真口中,已知日本狼子野心,侵華將至。
八年抗戰後, 聽到了朱錦春早已在火車爆炸中遇難,悲傷之餘,我到了賀正堂工作,幸得苗天大掌櫃禮遇。一次踫到一少年,姓為衛名斯理,他說在尋找藍血人,才知道那姓「都」是由外星而來,在地球居住了三至四百年左右,能透視人的未來。
2014年4月16日 星期三
現代女性「靚」的宣言
人家話:愛拼才會贏
靚女話:愛靚才會贏
人家話:知識改變命運
靚女話:姿色改變命運
人家話:只要有恆心 鐵柱磨成針
靚女話:只要有恆心 鴉烏變爆燈
人家話:男兒天職保家眷
靚女話:女兒天職保身段
人家話:一生之計在於勤
靚女話:一生之計在於萌
人家話:忍一時風平浪靜
靚女話:忍一時肚腩唔勁
人家話:修心齊家治國平天下
靚女話:修身除疤漸索贏天下
人家話:八尺竿頭更進一步
靚女話:白淨SET頭更索一步
2014年4月12日 星期六
婚前婚後的答案.......
女問:你愛唔愛我?
婚前男答:如果我對你個愛係有一個限期,我會話係一萬年...Baby!
婚後男答:唔愛妳唔會娶妳啦,衰婆!
女問:我肚餓啊!
婚前男答:妳想食乜,我即刻仆去買!
婚後男答:咁妳仲唔去煮飯?
女問:我今日有乜特別!
婚前男答:咦,無見一日啫,乜妳又靚咗咁多嘅!
婚後男答:有嘢就講啦,吞吞吐吐!
女問:陣間陪我去濕平吖!
婚前男答:求知不得啦!記住唔好同我慳荷包喎!
婚後男答:吓,又買嘢!宜家成屋都係妳嘅嘢啦喎!
男問:我應承咗阿媽,話星期日同妳返屋企食飯!
婚前女答:伯母,有咩鐘意?我帶啲手信嚟吖!
婚後女答:又係妳阿媽? 你應承佢咋,我無應承,我約咗阿May呀!
男問:我個friend,叫我同佢夾份開公司,妳話好唔好?
婚前女答:男人係應該有自己嘅事業嘅!你放心去搞啦,無論點,我都支持你!
婚後女答:你係咪short嫁,你個咩friend嚟嫁,叫你成幾萬蚊嘅工唔做,同佢去搏...
男問:阿醒出事,我借錢俾佢,妳話好唔好?
婚前女答:你真係為得人,枉我無揀錯你!
婚後女答:上個月阿文借,你又幫?今個月阿醒借,你又幫?人哋當你羊牯咋!舊債未還新債免問...
男問:我買咗個超級版高達呀!
婚前女答:嘩!真係好型喎!
婚後女答:買埋成屋垃圾!
婚前男答:如果我對你個愛係有一個限期,我會話係一萬年...Baby!
婚後男答:唔愛妳唔會娶妳啦,衰婆!
女問:我肚餓啊!
婚前男答:妳想食乜,我即刻仆去買!
婚後男答:咁妳仲唔去煮飯?
女問:我今日有乜特別!
婚前男答:咦,無見一日啫,乜妳又靚咗咁多嘅!
婚後男答:有嘢就講啦,吞吞吐吐!
女問:陣間陪我去濕平吖!
婚前男答:求知不得啦!記住唔好同我慳荷包喎!
婚後男答:吓,又買嘢!宜家成屋都係妳嘅嘢啦喎!
男問:我應承咗阿媽,話星期日同妳返屋企食飯!
婚前女答:伯母,有咩鐘意?我帶啲手信嚟吖!
婚後女答:又係妳阿媽? 你應承佢咋,我無應承,我約咗阿May呀!
男問:我個friend,叫我同佢夾份開公司,妳話好唔好?
婚前女答:男人係應該有自己嘅事業嘅!你放心去搞啦,無論點,我都支持你!
婚後女答:你係咪short嫁,你個咩friend嚟嫁,叫你成幾萬蚊嘅工唔做,同佢去搏...
男問:阿醒出事,我借錢俾佢,妳話好唔好?
婚前女答:你真係為得人,枉我無揀錯你!
婚後女答:上個月阿文借,你又幫?今個月阿醒借,你又幫?人哋當你羊牯咋!舊債未還新債免問...
男問:我買咗個超級版高達呀!
婚前女答:嘩!真係好型喎!
婚後女答:買埋成屋垃圾!
2014年4月8日 星期二
假如廣告是真的.........
甲小姐:無見一排,乜妳靚咗咁多嘅?
乙小姐:無,我用咗 Salon de Pro染我嗰啲黃黯黯嘅頭髮,我啲頭髮咪變得自然柔順、無味又健康囉!跟住再搵咗Jackeline,我塊爛面就好返晒,再搽埋SK II嘅神仙水,啲面皮即刻好緊、白白、好滑,仲發光過喎,而且仲彈性彈性添!跟住我就用獅王潔白牙膏刷我棚煙屎牙,好快口氣清新,啲牙白雪雪添!搵咗謝沇錤做美胸纖體療程,結果身材即刻彈得起自然美;再做埋個OM美腿療程,對腳話咁快就修長晒。最後用埋Enchanteur艾詩芬香沐浴露沖涼,令到全身肌膚柔滑,散發清香。
2014年4月4日 星期五
咁算唔算答錯.........
1) 屈原為何投於汨羅江自盡?
答:佢想死,所以自殺。
2) 相傳指南車是誰發明?
答:人類
3) (3X5)/2-5/(4x9)的答案是甚麼?
答:一堆數字
4) 魯迅的故鄉在哪?
答:地球
5) 為何油會浮在水上?
答:因為佢唔係沉喺水下面
6) 甚麼能令酸變成鹽和水,並產生熱量?
答:上帝
7) 試分析造成中港矛盾之原因。
答:因為有中國人同香港人嘅存在,如果佢哋都唔存在,就唔會有中港矛盾。
8) 「數風流人物,還看今朝」是誰說的。
答:我剛說了。
答:佢想死,所以自殺。
2) 相傳指南車是誰發明?
答:人類
3) (3X5)/2-5/(4x9)的答案是甚麼?
答:一堆數字
4) 魯迅的故鄉在哪?
答:地球
5) 為何油會浮在水上?
答:因為佢唔係沉喺水下面
6) 甚麼能令酸變成鹽和水,並產生熱量?
答:上帝
7) 試分析造成中港矛盾之原因。
答:因為有中國人同香港人嘅存在,如果佢哋都唔存在,就唔會有中港矛盾。
8) 「數風流人物,還看今朝」是誰說的。
答:我剛說了。
2014年3月31日 星期一
抵死地理科-地靈人傑
設計咗件靚衫,應該搵邊個演譯佢嘅特色:「高加索」模特兒
啲大財團最應該識嘅同行係邊個:「 墨爾本」商人
呢排便秘,搵邊個醫最好:「江門」治療師
把鉸剪鈍咗,俾邊個搞掂佢:「智利」磨刀師傅
啲門齒較凸出,可以搵邊個幫:「大阪」牙科醫生
控制機器啲工人走晒,廠長可以搵邊啲人頂住:「北京」人手操作員
如果想了解人類繁衍同發展嘅故事,可以問邊個:「蘇州」史籍研究員
香港政府想「移動一些礙眼東西」,佢哋會搵邊個做:「龍門」搬遷工人
2014年3月26日 星期三
2014年3月22日 星期六
現代十大酷刑
現代十大酷刑
1.唔准用手機一個禮拜
2.唔准用電腦上網一個禮拜
3.罰你放假睇亞視,每次睇八粒鐘
4.夏天唔俾開冷氣
5.逼妳著[娘]爆啲衫出街
6.擺妳唔化妝個樣上網
7.減肥嗰陣,將一大堆美食擺喺你面前
8.罰抄[我撐CY]一百次
9.介紹個超級港女做你女友
10.放假晨咁早叫你起身
1.唔准用手機一個禮拜
2.唔准用電腦上網一個禮拜
3.罰你放假睇亞視,每次睇八粒鐘
4.夏天唔俾開冷氣
5.逼妳著[娘]爆啲衫出街
6.擺妳唔化妝個樣上網
7.減肥嗰陣,將一大堆美食擺喺你面前
8.罰抄[我撐CY]一百次
9.介紹個超級港女做你女友
10.放假晨咁早叫你起身
2014年3月18日 星期二
假如要改名……
王維基應該改做王危機,佢啲危機真係一鑊一鑊咁嚟。
劉進圖應該改做劉中刀,因為佢真係中咗好多刀。
陳茵媺應該改做陳姻美,因為佢嫁咗個筍盤。
周慧敏應該改做周維萌,咁多年竟然都維持喥萌少女樣。
奧巴馬應該改做奧斑馬,因為佢真係黑同白嘅結合。
甄子丹應該改做甄子彈,因好爆炸力,宇宙最強。
李慧玲應該改做李為明,為咗明白被炒背後真相,為咗香港有明天,為咗人類有光明,一於發聲。
千頌依應該改做千鐘意,因為套星星令到香港女士10至80都狂追,鬼死咁鐘意睇。
劉進圖應該改做劉中刀,因為佢真係中咗好多刀。
陳茵媺應該改做陳姻美,因為佢嫁咗個筍盤。
周慧敏應該改做周維萌,咁多年竟然都維持喥萌少女樣。
奧巴馬應該改做奧斑馬,因為佢真係黑同白嘅結合。
甄子丹應該改做甄子彈,因好爆炸力,宇宙最強。
李慧玲應該改做李為明,為咗明白被炒背後真相,為咗香港有明天,為咗人類有光明,一於發聲。
千頌依應該改做千鐘意,因為套星星令到香港女士10至80都狂追,鬼死咁鐘意睇。
2014年3月7日 星期五
三急學管理
當你三急嗰陣,你會用問人、睇指示牌、手機上網嘅方法,去搵附近可能有嘅公廁喺邊喥。
(呢啲叫「資料搜集」,你先要有效從不同途徑,掌握大局形勢,然後才可計劃實踐管理。)
你要喺附近啲公廁中,搵出邊間最近又最乾淨,避免行錯去最遠又最污糟嗰間。
(呢啲叫「強弱機危」分析,每計劃時,你都要將搜集到的資料作準確分析,知道所管理的人或事,有何種強處、機會,盡情發揮;有何種弱處、危險,儘量避免。)
你一路去公廁時,你會搵下身上有無紙巾,如果無,你會諗下公廁會唔會有,如果你覺得無,你會即刻先買包紙巾,或考慮以其它較次等嘅物品代替。
(呢啲叫「資源評估」,你在計劃時,你會評估你手上的資源有多少?以定出實行時的可行方案,如資源不足,你就必須有第二套變通解決辦法。)
去到公廁時,你發現你隻手原來有啲污糟,不過你都先決定入咗廁格解決,然後先考慮之後洗手。
(呢啲叫「時間管理」,你在計劃時,要明白哪樣事較緊急、哪樣事較重要;先要處理緊急而重要的事,其次是緊急不重要或重要不緊急的的事,最後才去完成不緊急不重要的事。)
你坐落坐廁前,你會用廁紙先墊一墊個邊。
(呢啲叫「風險管理」,你在計劃時,要預計可能承受的風險,並以保險、保安等安排將風險降至最低。)
你解決緊嘅時候,你會攞本書出嚟睇。
(呢啲叫「歸納處理」,你在計劃時,你會發現有些事情可以集中一齊做,以減省很多資源消耗,並更能發揮效率。)
你解決緊嗰時,可能未必一定一瀉而下,可能要一下一下排出。
(呢啲叫「短期計劃」,當你的計劃己訂定最終目的,你就必須將其拆分作很多短期目標,以便評估是否有效完成整個方向。)
你解決完,洗手嗰陣會諗返頭先去廁所個過程。
(呢啲叫「結果評估」,在劃計過程中總有失誤或改善的地方,進行具體評估,有效了解進程並了解是否須更正方向。)
(呢啲叫「資料搜集」,你先要有效從不同途徑,掌握大局形勢,然後才可計劃實踐管理。)
你要喺附近啲公廁中,搵出邊間最近又最乾淨,避免行錯去最遠又最污糟嗰間。
(呢啲叫「強弱機危」分析,每計劃時,你都要將搜集到的資料作準確分析,知道所管理的人或事,有何種強處、機會,盡情發揮;有何種弱處、危險,儘量避免。)
你一路去公廁時,你會搵下身上有無紙巾,如果無,你會諗下公廁會唔會有,如果你覺得無,你會即刻先買包紙巾,或考慮以其它較次等嘅物品代替。
(呢啲叫「資源評估」,你在計劃時,你會評估你手上的資源有多少?以定出實行時的可行方案,如資源不足,你就必須有第二套變通解決辦法。)
去到公廁時,你發現你隻手原來有啲污糟,不過你都先決定入咗廁格解決,然後先考慮之後洗手。
(呢啲叫「時間管理」,你在計劃時,要明白哪樣事較緊急、哪樣事較重要;先要處理緊急而重要的事,其次是緊急不重要或重要不緊急的的事,最後才去完成不緊急不重要的事。)
你坐落坐廁前,你會用廁紙先墊一墊個邊。
(呢啲叫「風險管理」,你在計劃時,要預計可能承受的風險,並以保險、保安等安排將風險降至最低。)
你解決緊嘅時候,你會攞本書出嚟睇。
(呢啲叫「歸納處理」,你在計劃時,你會發現有些事情可以集中一齊做,以減省很多資源消耗,並更能發揮效率。)
你解決緊嗰時,可能未必一定一瀉而下,可能要一下一下排出。
(呢啲叫「短期計劃」,當你的計劃己訂定最終目的,你就必須將其拆分作很多短期目標,以便評估是否有效完成整個方向。)
你解決完,洗手嗰陣會諗返頭先去廁所個過程。
(呢啲叫「結果評估」,在劃計過程中總有失誤或改善的地方,進行具體評估,有效了解進程並了解是否須更正方向。)
2014年3月5日 星期三
同事密語
同事甲:聽講公司啱啱高薪請咗個高級專業顧問返嚟,你知唔知佢個位係做啲乜?
同事乙:知啲唔知啲,只係知佢好似有好多嘢做,開好多會,但佢做嗰啲嘢,除咗多咗成疊報告外,係對公司運作、對外發展、 利潤增長...完全無影響。
同事甲:聽聞妳部門新嚟個新人好似星星男主角喎...
同事乙:係,不過佢已經俾經理炒咗--因為經理發覺嗰班幫佢做埋佢啲嘢嘅妹妹仔女同事,原來工作能力好高,根本唔駛請多個人。
同事甲:班高層真係惡頂,如果中咗六合彩,我即刻唔撈。
同事乙:我就唔會唔撈,我會好hea咁撈,最少激返死啲高層一兩個月。
同事甲:陳經理根本就係升自己友,阿Paul肯捱肯搏都無用。
同事乙:所以阿Paul已經改變策略,佢依然肯捱肯搏,但唔係做嘢,係追老闆個女。
同事甲:我部門個九十後好有特異功能,可以一手打字一手玩Whatsapp。
同事乙:我部門嗰個仲勁,可以兩隻手玩Whatsapp,唔做嘢,仲問幾時補返三月糧炒佢。
同事甲:頭先個客持住有錢懶巴閉...
同事乙:呢啲咪叫做「FULL 錢」嘅人囉。
同事甲:Susanna 似住有人照,剩係識點人,自己又唔做...
同事乙:但我好佩服Susanna,佢喺公司十年,都係無樣嘢識做,依然唔會被炒,呢個真係極品神蹟。
同事甲:你係咪有好路數跳槽,預埋我喎。
同事乙:噢,我哋部門好同心,竟然個個同事都好似你咁同我講。
同事乙:知啲唔知啲,只係知佢好似有好多嘢做,開好多會,但佢做嗰啲嘢,除咗多咗成疊報告外,係對公司運作、對外發展、 利潤增長...完全無影響。
同事甲:聽聞妳部門新嚟個新人好似星星男主角喎...
同事乙:係,不過佢已經俾經理炒咗--因為經理發覺嗰班幫佢做埋佢啲嘢嘅妹妹仔女同事,原來工作能力好高,根本唔駛請多個人。
同事甲:班高層真係惡頂,如果中咗六合彩,我即刻唔撈。
同事乙:我就唔會唔撈,我會好hea咁撈,最少激返死啲高層一兩個月。
同事甲:陳經理根本就係升自己友,阿Paul肯捱肯搏都無用。
同事乙:所以阿Paul已經改變策略,佢依然肯捱肯搏,但唔係做嘢,係追老闆個女。
同事甲:我部門個九十後好有特異功能,可以一手打字一手玩Whatsapp。
同事乙:我部門嗰個仲勁,可以兩隻手玩Whatsapp,唔做嘢,仲問幾時補返三月糧炒佢。
同事甲:頭先個客持住有錢懶巴閉...
同事乙:呢啲咪叫做「FULL 錢」嘅人囉。
同事甲:Susanna 似住有人照,剩係識點人,自己又唔做...
同事乙:但我好佩服Susanna,佢喺公司十年,都係無樣嘢識做,依然唔會被炒,呢個真係極品神蹟。
同事甲:你係咪有好路數跳槽,預埋我喎。
同事乙:噢,我哋部門好同心,竟然個個同事都好似你咁同我講。
2014年2月26日 星期三
廣告人語
A小姐:唔好意思,遲咗!
廣告人B小姐:預咗妳梗等埋妳!(四季旅遊)
A小姐:咁宜家去邊度食嘢先?
廣告人B小姐:尖尖尖...尖尖尖(獅王牙刷),最緊要食得夠尖(大快活)。
A小姐:咁唧係去邊?
廣告人B小姐:開心時刻PIZZA HUT呀!(必勝客)
A小姐:喺囉開心下都好...聽講妳呢排都好黑下喎,黑起上嚟真係無得講...
廣告人B小姐:逐漸變黑亦得,立即變黑亦得...(美源髮彩)
A小姐:其實妳係咪犯咗小人啫?
廣告人B小姐:都唔知邊個咁大整蠱!(海天堂)
A小姐:不過唔開心嘢都係唔好諗咁多勒!
廣告人B小姐:對,負面情緒唔知幾嚟搵你,但你絕對有理由唔理佢。(突破)
A小姐:唔開心啲嘢抺咗佢,積極面前!
廣告人B小姐:生命滿希望,前路由我創!(突破)
A小姐:妳識咁諗就好勒!
廣告人B小姐:爆炸唔駛擰轉頭嘅正能量啫。(葡萄適)
A小姐:好!話唔埋食完啲開心嘢,好運會返翻嚟。
廣告人B小姐:世事無絕對,只要真情趣。(軒尼詩)
廣告人B小姐:預咗妳梗等埋妳!(四季旅遊)
A小姐:咁宜家去邊度食嘢先?
廣告人B小姐:尖尖尖...尖尖尖(獅王牙刷),最緊要食得夠尖(大快活)。
A小姐:咁唧係去邊?
廣告人B小姐:開心時刻PIZZA HUT呀!(必勝客)
A小姐:喺囉開心下都好...聽講妳呢排都好黑下喎,黑起上嚟真係無得講...
廣告人B小姐:逐漸變黑亦得,立即變黑亦得...(美源髮彩)
A小姐:其實妳係咪犯咗小人啫?
廣告人B小姐:都唔知邊個咁大整蠱!(海天堂)
A小姐:不過唔開心嘢都係唔好諗咁多勒!
廣告人B小姐:對,負面情緒唔知幾嚟搵你,但你絕對有理由唔理佢。(突破)
A小姐:唔開心啲嘢抺咗佢,積極面前!
廣告人B小姐:生命滿希望,前路由我創!(突破)
A小姐:妳識咁諗就好勒!
廣告人B小姐:爆炸唔駛擰轉頭嘅正能量啫。(葡萄適)
A小姐:好!話唔埋食完啲開心嘢,好運會返翻嚟。
廣告人B小姐:世事無絕對,只要真情趣。(軒尼詩)
2014年2月20日 星期四
有趣英詞造句
1)弟弟不小心將哥哥的心愛鐵甲人弄跌在地,哥哥即時大叫:「噢!我呢個 toy 補唔住啦!」
2)甲:你以前都有啲積蓄格,點解宜家要搞到領綜緩?
乙:無辦法,因為我買親股票都唔係 sink 就跌!
3)保養公司說好了今天派人來將壞燈取去維修。突然門鐘一響,打開門,一個紋身大漢對我說:「我嚟收 lamp 嘅!」
4)在朋友家,看到他掛著一件相當陳舊的衣服,我不其然便皺了皺眉,朋友竟然對我說:「呢件係 son 嘅」。
5)由於吃了感冒藥,在上英文科時,小明已有點不清醒,在半昏迷中,已轉了上中國文學科,老師提問小明說:「請講出一位北宋文學家嘅名字?」,他說:「so sick」。
6)記者:你哋武館咁出名,係咪年年招收徒弟都好多人嚟?
王師傅:係!我哋只係一屆無 full !
7)某人喺屋企除咗要服侍老婆、湊仔外,家務都由佢一個做晒,所以佢自稱係「home奴」。
8)由於濕氣重,屋內牆身滿是水,朋友來電約我晚膳,我只能推掉他說:我今晚要去 wet ,唔得閒陪你。
上期答案
証據半被偷,大人亦已走,歹徒攜匕首,老人相扶祐。(猜四字)
答案:正一死佬 (解:証字無咗言字嗰半,大字無咗人,歹字加埋心匕,老字同人字夾埋)
直壓阿八頭上,竹下妖女遭殃,暴火連連旺暢,月光長伴土疆。(猜四字)
答案:真笑爆肚(解:八字上面有直,竹字下面有妖字但減去女,火同暴字連埋,月同土字連埋)
鵝場鳥飛盡,子女齊互擁,槐木亦斷空,罵聲四散湧。(猜四字)
答案:我好鬼馬 (解:鵝字無咗鳥,子加埋女,槐字無咗木,罵字無咗四)
汝念中秋。(猜一扮嘢藝人)
答案:李思捷 (解:你思節)
雄性人類能夠好酷。(猜三色台新聞女記者)
答案:藍可盈 (解:男可型)
巨型吞拿沙鮮咪。(猜離島名)
答案:大嶼山 (解:大魚生)
富有+開心(猜一古惑藝人)
答案:錢嘉樂 (解:錢+樂)
洗盡之後(猜一資深武打藝人)
答案:元華 (解:洗盡鉛華,所洗盡之後係元華)
2014年2月16日 星期日
遲來的年宵燈謎
証據半被偷,大人亦已走,歹徒攜匕首,老人相扶祐。(猜四字)
直壓阿八頭上,竹下妖女遭殃,暴火連連旺暢,月光長伴土疆。(猜四字)
鵝場鳥飛盡,子女齊互擁,槐木亦斷空,罵聲四散湧。(猜四字)
汝念中秋。(猜一扮嘢藝人)
雄性人類能夠好酷。(猜三色台新聞女記者)
巨型吞拿沙鮮咪。(猜離島名)
富有+開心(猜一古惑藝人)
洗盡之後(猜一資深武打藝人)
直壓阿八頭上,竹下妖女遭殃,暴火連連旺暢,月光長伴土疆。(猜四字)
鵝場鳥飛盡,子女齊互擁,槐木亦斷空,罵聲四散湧。(猜四字)
汝念中秋。(猜一扮嘢藝人)
雄性人類能夠好酷。(猜三色台新聞女記者)
巨型吞拿沙鮮咪。(猜離島名)
富有+開心(猜一古惑藝人)
洗盡之後(猜一資深武打藝人)
2014年2月14日 星期五
浪漫圖文
我不能保證我的誓言必定成為永遠的承諾,
但我只知道,這刻我是出自真誠及絕對的願意。
若不能帶妳進到光明,
我就陪伴妳留在黑暗中。
女:我願意將手交給你,就是將我的生命交托你!
男:我願意拖著妳的手,就是我願意拖扶妳的下半生!
同諧就是與妳同鞋,同走人生的以後階段。
女:我的肩只與你相並!
男:我的膊也只給妳承擔!
等到你回來的一刻,我便忍不住,
將身、心、靈都全投進你懷裡。
醒也好、醉也好!
只要一起便足夠了。
跟著妳-外面是一種冒險,
內裡卻是一份平安。
2014年2月10日 星期一
拼字
請用以下資料,拼作句子:
人體篇~
膚指胃:骹胰毛淚,髀齒脛耳。
(夫子謂:教而無類,彼此敬矣。)
姓氏篇~
魯龔,陸沈童程李武錢龔劉!
(老公,六嬸同情你無錢供樓!)
殷衞史廖林蔡袁,羅白香朴甘田 。
(因為屎尿淋菜園,蘿蔔香樸甘甜。)
植物篇~
莁菇菰,荖芎稗菠豉樺!
(無辜辜,老公俾波士話!)
荖櫇梧杹梉櫻荄蒜杞蒴!
(老婆唔化妝應該算幾索!)
樟棶蒔,梧枲荑笳稔蔇!
(將來事,唔駛而家諗嘅!)
動物篇~金
蝗獅虎鷺鼥鷦鼲麒!
(黃師傅怒拔招魂旗!)
猬鱔蛆狢,蝠蚰魷龜!
(為善最樂,福有攸歸!)
2014年2月5日 星期三
改朝換代
公司彷如一國家,時而世易會變化,一代起來一代下,有權力者來稱霸。
新君上場必有變,有人無端會升遷,有人沒錯都被貶,職位調動轉坤乾。
制度亦會有所更,從前方式會改陣,不能下下將舊跟, 唔適應你盞頭痕。
門面點都要翻新,就算大嘅唔變身,小小修改必實行,一於剷走舊觀感。
以前有時鬆到暈,今日或者收好緊,新官起步火焚焚,殺一儆百有可能。
又或派糖得民心,小小恩惠作和親,又或查帳一大份,把柄前朝不翻身。
最怕在上有鬥爭,殺錯多少的良民,你我都是小基層,偏偏將人嚟作梗。
未知各位網友們,是否嘗過朝代搬?不知是悲還是歡?分享一下互解悶。
2014年2月2日 星期日
馬氏奇談
本人姓馬名蟻,人馬座,家住馬灣,聽人話姓馬都好容易做小生,好似馬德鐘、馬浚偉、馬國明,於是趁住馬年,馬上報考訓練班,諗住一定成馬到功成,將來發展萬馬奔騰。點知入到電視台都係做牛做馬,做埋啲馬賊甲、馬伕乙、牛頭馬面嘅角色,最叻都係扮馬騮精個替身;反而喺馬來西亞出世個師妹胭脂馬,識拍馬屁,馬住咗個監製,結果由扮馬姐做到刀馬旦主角,佢仲成日馬後炮咁講自己係黑馬,遲早一馬當先,大紅大紫。我諗唔喥我會馬失前蹄,縱然我有白馬王子咁個樣貎,識得一字馬咁嘅功夫,都唔及人哋,雖然演技馬馬虎虎,但都蔡翁失馬,真係叫我個大男人都流馬尿!最後馬死落地行,走去馬交,碰下其他運氣,結果學咗造馬仔,生意竟然車水馬龍,最後咁係-臨崖勒馬好馬不吃回頭草。見返個青梅竹馬個馬尾妹,於是去咗馬賽註冊結婚,人生生涯想唔到會同娛樂圈風馬牛不相及,雖然以後金馬奬都與我無緣,但我好享受宜家躍馬馳騁充實嘅生活。
2014年1月28日 星期二
新年新菜筵
炸麵包糠撈牛腱絲~喻意:健健康康
津白猴頭菇片拌滷味~喻意:白頭到老
鴨掌,鳳爪,熏蹄拼盤~喻意:滿足
吉仔汁肉腸吞拿魚意粉~喻意:吉祥如意
香脆蒜辣雞髀雞翼加碎蓮子鳳梨汁~喻意:比翼連理
昆布捲星型蘿蔔榚天婦羅~喻意:步步高升
甘筍紅菜頭火腿絲沙律加紫菜碎~喻意:紅到發紫
甜品-竽頭糖水、葿豆榚、馬仔及蓮子酥~喻意:馬年由頭甜到尾
津白猴頭菇片拌滷味~喻意:白頭到老
鴨掌,鳳爪,熏蹄拼盤~喻意:滿足
吉仔汁肉腸吞拿魚意粉~喻意:吉祥如意
香脆蒜辣雞髀雞翼加碎蓮子鳳梨汁~喻意:比翼連理
昆布捲星型蘿蔔榚天婦羅~喻意:步步高升
甘筍紅菜頭火腿絲沙律加紫菜碎~喻意:紅到發紫
甜品-竽頭糖水、葿豆榚、馬仔及蓮子酥~喻意:馬年由頭甜到尾
2014年1月26日 星期日
新春對聯
中港矛盾暫放下
兩地同暢迎新歲
橫批~和諧賀年
雙宿同棲添暖意
隻身獨遊享自由
橫批~各隨喜好
建創家業耀祖先
買喥層樓娶老婆
橫批~願望成真
開開心心自給自足
健健康康無病無痛
橫批~平順是福
男人豪氣~彷如千百丈里
女士芳容~仍是十八年華
橫批~各得其所
一元投資獲千倍利
兩口相愛擁萬種情
橫批~事事如意
老闆管理事事有人性
同事合作樣樣無問題
橫批~開心上班
無論大小 每家人平平安安
不分高低 各階層安安樂樂
橫批~國泰民喜
兩地同暢迎新歲
橫批~和諧賀年
雙宿同棲添暖意
隻身獨遊享自由
橫批~各隨喜好
建創家業耀祖先
買喥層樓娶老婆
橫批~願望成真
開開心心自給自足
健健康康無病無痛
橫批~平順是福
男人豪氣~彷如千百丈里
女士芳容~仍是十八年華
橫批~各得其所
一元投資獲千倍利
兩口相愛擁萬種情
橫批~事事如意
老闆管理事事有人性
同事合作樣樣無問題
橫批~開心上班
無論大小 每家人平平安安
不分高低 各階層安安樂樂
橫批~國泰民喜
2014年1月22日 星期三
蟻氏又再圖文字
沒有背過別人走過,無論怎樣的路程,也會遺留一種缺陷。
執子之手的多,執父之手的少,有機會便抓緊吧!
偶然的不同,都是一種喜悅。
趁有機會,想想開心的事物,偷偷微笑吧!
縱然沒有色彩,只要心中璀璨,便是美。
有人說想孤舟獨行,但看著他的雙杖,就知他內心期望有伴同往!
看到軍人,發現,有時外表的「型」與內在的「傷」是剛好相反。
不要怕,人生路上,總有不知名的守望者。
2014年1月19日 星期日
訪問
以下是阿美(假名)的真實個案,為保護當事人,整個訪問內容會經特別聲音處理:
記=記者 美=阿美
記:初初點解妳會嘗試第一次?
美:啲Fan叫囉,佢哋話會好high、好興奮。而者自己又後生,諗住試下都無妨,點知...
記:以前有冇人提過妳會產生嘅後遺症?
美:有,不過可能自己任性,未必會聽人講!加上自己又以為人哋係咁啫,自己唔一定會!
記:咁試咗之後,對妳有乜影響?
美:好大影響,好辛苦,而家工都返唔喥!
記:屋企人點睇?
美:佢哋都幫我,不過幫得一時唔幫得一世!
記:有咩嘢不適?
美:心煩、好攰、瞓唔喥。
記:對將來點打算?
美:見步行步,儘量安排可以做喥嗰啲嘢,但係都無乜信心,相信都係聽天由命!
記:以過來人嘅身份,妳有乜嘢想同大家講?
美:唔......想嘗試生第一胎嘅人真係要諗清楚,唔好啲人話生BB好high就生,又唔好諗住自己唔會怪獸化,最終辛苦只會係自己,為佢舖路真係令你斗唔喥氣!真係唔好立亂決定......
記=記者 美=阿美
記:初初點解妳會嘗試第一次?
美:啲Fan叫囉,佢哋話會好high、好興奮。而者自己又後生,諗住試下都無妨,點知...
記:以前有冇人提過妳會產生嘅後遺症?
美:有,不過可能自己任性,未必會聽人講!加上自己又以為人哋係咁啫,自己唔一定會!
記:咁試咗之後,對妳有乜影響?
美:好大影響,好辛苦,而家工都返唔喥!
記:屋企人點睇?
美:佢哋都幫我,不過幫得一時唔幫得一世!
記:有咩嘢不適?
美:心煩、好攰、瞓唔喥。
記:對將來點打算?
美:見步行步,儘量安排可以做喥嗰啲嘢,但係都無乜信心,相信都係聽天由命!
記:以過來人嘅身份,妳有乜嘢想同大家講?
美:唔......想嘗試生第一胎嘅人真係要諗清楚,唔好啲人話生BB好high就生,又唔好諗住自己唔會怪獸化,最終辛苦只會係自己,為佢舖路真係令你斗唔喥氣!真係唔好立亂決定......
訂閱:
文章 (Atom)