賤老闆另類抄人法

衰老闆要人走，又唔想補水，通常都會用一啲超賤方法，叫你自己執包袱。以下都係一啲人親身經歷：

1) 對面皮薄伙記－狂足你錯處，無論小錯、微錯，老闆都小題大做，直頭下下炳到行，結果令你無晒專嚴，重傷離開。

2) 對有熱誠伙記－將你投閒置散，叫你去做一啲最無聊最無癮嘅嘢，等你漸漸睇唔到自己嘅生存意義，自我形象絕對低落，最終鬱鬱走人。

3) 對較柔弱伙記－本來己經身體差嘅你，佢都一於做到你更殘，令你日日返工有捱嘅感覺，無奈最後醫生都會建議你辭工，唔係就同絕症無分別。

4) 對近返工伙記－調到你無雷工咁遠，上落班都要三、四個鐘，睇你點頂，當你頂唔順果日，佢就得米勒。

5) 對性格型伙記－安排你同一個更有性格嘅同事同伙合作，務求彼此刷出不滅火花，仲要一發不可收拾嗰種，日日咁互相鬥爭，喺精神壓力過大下，唔走都唔得。
 
6) 對網絡少伙記－老細要你交高打，仲要係一個好難達喥個目標，當做到氣咳，又做唔喥時，你只有自動棄權。

7) 對創作人伙記－空降一個上司俾你，乜都睇住你，你所有意見都否定，變咗你所做嘅嘢，最後全無你嘅心思喺裡頭，即係唔係創作，睇你點頂。

8) 對超單純伙記－ 調你去一個野獸部門，喺困獸鬥的情況，你會遍體鱗傷，不能再返呢個傷心地。