1) 有個以前同事從新返公司做，你應該叫佢做：
a)新嘅舊同事 b)舊嘅新同事
2) 閉上眼，廣東話應該叫做：
a)合埋眼 b)恰埋眼 c)呢埋眼 d)may埋眼 e)hip埋眼 f)試埋眼
3)「桃姐」呢套戲個正確讀法係：
a)逃者 b)土者 c)逃遮 d)土遮
4) 「奶奶」呢個詞點讀：
a)賴舐 b)拉拉 c)乃乃
5) 話人皮膚滑溜，應該係叫：(尾之連詞為去音，即比正常高音)
a)滑嘟嘟 b)滑雪雪 c)滑劣劣
6) 在婚禮上，新郎會話－我願意娶妳為妻，咁新娘應該係講：
a)我嫁你為夫 b)我嫁你為妻
7) 「來」與「去」是表示兩個不同方向，如果我想對朋友Ａ說朋友Ｂ正前往我家，口語應該怎說：
a)佢嚟（來）緊我屋企 b)佢去緊我屋企
8)如果形容一個人很悽慘，會怎樣說：
a)陰公囉，佢搞成咁！ b) 冇陰公囉，佢搞成咁！
