兩代用語翻譯篇

現代的一段對白：

甲：之前妳好爆潮嫁，點解呢排咁OUT，好樣衰下喎？
乙：衰忙囉！公司揸弗人好賤，無嘢做都要人OT，成日都遲放幾粒鐘，邊度唧喥時間出嚟買靚衫啫！
甲：妳老細好過份啫，班靚個look殘，做嘢都無mood啦！
乙：佢就係扮收唔喥喎！唔好講個衰人．．．妳好似識咗個富二代喎，係咪好有米先？
甲：咪講佢啦，散咗啦！佢係乜鬼富二代，老作扮嘢夾咋！
乙：超慘啊！
甲：咁又唔係，我後尾又識咗個帥哥劉公子，佢好冧我嫁！
乙：執到啦妳！





用六、七年代用語翻譯給公公、婆婆聽：

甲：啦妳講，妳前排咁摩登，呢排乜解究搞成咁，變咗咁老套，唔係好見得人喎？
乙：家下得閒死唔得閒病！我個事頭無乜人性，明明好清閒，過咗放工時間都要人哋上班，邊有時間去行公司喎！
甲：妳波士都好過太下喎，手下唔省鏡，做嘢無心機啦！
乙：佢就係借咗聾耳陣對耳囉！唔好講嗰個無天裝勒，妳近屎好似識咗個二世祖，佢係咪好疊水嫁啫？
甲：咪提佢，分咗手啦！佢邊鼠係二世祖，光棍充闊佬咋嘛！
乙：悲哀！
甲：妳啦我定，我跟住又識咗個靚哥仔劉大少，佢不知幾愛我！
乙：咁妳發達啦！