講嘢說明條例

經過多年研究，有關「講嘢及談話說明條例」條訂條款已於即日起生效。如有人士觸犯以下行為，即屬違法，最高懲罰可判睇蟻俠網誌一年：

１）誤導性遺漏
例子）我娶我老婆前，佢無提過佢大我十年～ 若某人故意不將真實資料向有關當事人披露，即構成誤導成份。

２）具威嚇性講嘢行為
例子）老闆話佢係老闆，所以佢講啲嘢我一定要照做～凡以權力、地位、身份等等高檔次程度壓逼低檔次程度，一律列作威嚇行為。

３）餌誘式吹水
例子）我網友話佢樣靚身材正，結果大把人追～不得誇大其詞作利誘，然而事實與所表明的有出入。

４）先誘後轉講嘢行為
例子）老豆講明我考喥十名內去歐洲旅行，結果去咗潮州～承諾人不能先以一個較吸引的應允作誘餌，最終卻以較次等獎賞來代替。

５）不適當地承諾
例子） 阿媽叫我執房，我話得閒會搞～有關承諾必須在合理時間內完成，不能拖拉了事。

６）有根據說明　
例子）有人話蟻俠花心～必先有數據或專業研究報告支持，不能無憑失實傳遞。