何謂自殺？

以下是一些「自殺」例子：

1) 明知個老細超級變態，都走去見工。
2) 娶個天下無敵港女公主做老婆。
3) 帶住成身金器去深圳旺中帶靜嘅地方食宵夜。
4) 係回教地方，好勇咁當眾撕可蘭經。
5) 專登問大耳窿借錢，然後唔還。
6) 撬黑幫大佬牆腳。
7) 喺赤度地方喪跑幾粒鐘。
8) 通頂打機，打足三日三夜。

中庸與極端

中國人講求中庸，真的，有時事情看得過激過弱，都是會變得極端，細看以下例子：

樂觀例子
過少樂觀：明明今日風和日麗，都覺得太過平靜，聽日一定橫風橫雨。
過份樂觀：明明天文台預計超級台風聽日正面吹襲，都諗住聽日陽光普照，執定衫去郊遊。

和諧例子
過少和諧：蟻俠非常好人，都無諗住同佢和諧，一於自把自為、自成一國。
過份和諧：ＣＹ非常偽人，都要同佢和諧，一於忠奸不分咁維穩。

節檢例子
過少節檢：係唔係都餐餐鮑參翅肚、美酒佳餚。
過份節檢：明明足夠，但係唔係都餐餐腐乳豉油撈飯。

衛生例子
過少衛生：去完廁所唔洗手。
過份衛生：去完廁所洗手，幾乎摔到對手甩皮，仲要噴埋殺菌香水再戴手套。

大方例子
過少大方：借人哋7毫子，都追人7日7夜還錢。
過份大方：三唔識七，都借人十幾廿萬，仲要唔咁追還。

現實例子
過少現實：不計劃過，想結婚就結婚，結果好多問題。
過份現實：徹底計算後，想結婚變咗唔想結婚。

關心例子
過少關心：親人病咗，一啲表示都無，當佢透明。
過份關心：親人病咗，幾乎每隔一個鐘打俾佢，仲要佢食成擔補品。

鼓勵例木
過少鼓勵：唔踩佢就係鼓勵緊佢。
過份鼓勵：明明衰咗，都踩低對手嚟抬過佢，讚到佢天上有地下無。

擦鞋注意事項

擦鞋是非常有學問的專業，最高境界能令被擦者沾沾自喜、陶醉非常，彷如飄上雲霄，不能自拔．．．．

初學者須先注意以下事項：
1)對鞋必須有認識，有些鞋不能擦，有些鞋只可擦一次，有些鞋多擦無妨。
2)不同鞋有不同擦法，不能來來去去也是同樣一套。
3)鞋油必須配合，A鞋用A鞋油，B鞋用B鞋油，除有特殊變化外，不能隨便倒轉。
4)要順鞋而擦，貼貼服服地擦。
5)力度要適中，有時要輕力擦，有時要大力擦，看情況，要執生。
6)工欲善其事，必先利其器，有時要擦得好，都要落小小本。
7)有時不能只一個人擦，要合作，群「擦」群力，自然事半功倍。
8)擦不來時，必須向專家求助。

門面

強國城市推行保育，某食肆被地方政府讚許，記者訪問其老闆：你認為你們哪方面最環保？
老闆沾沾自喜：當然是我們的牙籤環保策略－客人用過的牙籤，我們會洗淨後再用。

一家麵店門外掛著一張頗大的「店主與國際巨星在店內的握手」照。
旁邊粥舖的東翁自言說：「都是那次失誤的錯，爭取不到巨星到我家廁所方便，真是可惜！」

奶奶罵媳婦說：兒子娶妳過門前不是很賢淑的嗎？怎麼婚後卻經常對別的男人拋眉弄眼？
媳婦回禮：我嫁妳兒子前，他不是個公子哥兒麼？怎麼婚後卻變成了一個窮光蛋！

濶太Ａ：我跟某大師學國畫，略有所成，剛開的畫展－很多人來參觀。
濶太Ｂ：我跟某大師學插花，略有所成，剛開的花展－也很多人來參觀。
濶太Ｃ：我跟某大師學吹水，略有所成，剛開的畫展及花展，都能吹到很多人來參觀。

朋友甲拿出了一個超合金手電來：這是全球限量發行的，外型設計相當優美！
朋友乙：你真好，能得到這個漂亮的電話！
朋友：漂亮．．．對．．．它只有這一個優點！

強國朋友對香港朋友說：我們比你們更自由！
香港朋友不服：為何？
強國朋友很驕傲作答：我們可隨處大小便，你們卻不能！

某女明星為表示與死敵沒有不和，便與她拍了一張「攬頭攬頸」的合照。
然而報張登出的合照，卻特寫著「攬頸」部份留下在對方頸項上的幾條紅紅指甲血痕。

盜賊對被光顧的客人說：為何全身名牌，卻身無分文？
客人說：正常的，這些分文已全部變成了這些名牌了。

媽囡傳奇－人細鬼大

媽：我不是說過今天的事今天作麼？還不收拾好妳玩過的玩具？
囡：這都是昨天拿出來的玩具，所以今天不能收拾！

媽：今天學校到動物園參觀，看到最多的動物是甚麼？
囡：老師和同學。

媽：飯碗吃得不乾淨，將來臉上會長班點啊？
囡：到時我會問妳借「神仙水」用。

媽：如果我讓妳養竉物，妳想要甚麼？
囡：弟弟一個。

媽：甚麼？妳要探Iris？她不是跟父母去了美國廸士尼旅行麼？
囡：探好朋友，又怎會嫌遠的呢？（普通話）

媽：不要叫嫲嫲經常買東西給妳？
囡：我沒有叫，只是暗示！

媽：爸爸今天要加班，晚些才回來！
囡：為何他不早點加班？那麼便可以早點走。

媽：今天老師說妳上課時不專心，「靜雞雞」與同學傾談？
囡：我真的沒有「靜靜雞」！

口頭禪

在緊張時或習慣下，人會不覺地在演說中，加入很多口頭禪或重複字，細看以下例子：

〔原文〕
您哋好！今日想同大家分享下蟻俠個網誌。蟻俠係一個傳奇人物，佢寫啲嘢好有創意同啟發性，所以睇佢個網誌，會令人會心微笑。就好似今日介紹呢篇，講及好多人喺緊張講嘢時，都會比平時用多好多重複字，睇咗啲人都好有共鳴，而且好有幫助，等人下次講嘢嗰會特別留意一下，加強咗有啲人嘅表逹能力，都係好事。

〔「其實」篇〕
 您哋好！其實今日想同大家分享下蟻俠個網誌。蟻俠其實係一個傳奇人物，佢寫啲嘢其實好有創意同啟發性，所以睇佢個網誌，其實都會會心微笑。就好似今日介紹呢篇，講及其實好多人喺緊張講嘢時，都會比平時用多好多重複字，睇咗啲人其實都好有共鳴，而且好有幫助，等人下次講嘢嗰時其實會特別留意一下，加強咗有啲人嘅表逹能力，其實都係好事。

〔「嘅」篇〕
 您哋好！今日想同大家分享嘅嘢，係蟻俠嘅網誌。蟻俠係一個傳奇嘅人物，佢寫嘅嘢好有創意同啟發性嘅，所以睇佢個網誌，會令人發出會心嘅微笑。就好似今日介紹嘅呢篇，講及好多嘅人喺緊張講嘢嘅時侯，都會比平時用多好多重複嘅字，睇咗嘅人都好有共鳴，而且好有幫助，等人下次講嘢嗰會特別嘅留意一下，加強咗有啲人嘅表逹嘅能力，都係好嘅事。

 〔「呢」篇〕
 您哋好呢！今日想同大家分享下蟻俠個網誌呢。蟻俠係一個傳奇人物，佢寫啲嘢好有創意同啟發性呢，所以睇佢個網誌，會令人會心微笑呢。就好似今日介紹呢篇呢，講及好多 人喺緊張講嘢時，都會比平時用多好多重複字呢，睇咗啲人都好有共鳴，而且好有幫助呢，等人下次講嘢嗰會特別留意一下，加強咗有啲人嘅表逹能力，都係好事呢。

唔知各街坊有冇呢方面個問題呢？

忙亂

如你經常有以下情況發生，請即請假調節心靈：

1)將污糟衫放咗入垃圾筒，將啲癈物放咗入洗衣機。
2)週不時，中午過後叫人早晨。
3)whatsapp俾人叫人18:00pm等。
4)去西餐廳點菜話要碟虾餃燒賣。
5)去提款機噤錢，輸入咗公司影印機個密碼。
6)攞張身份證插咗入提款機攞錢。
7)喺茶餐廳食飯，攞咗搭枱位仁兄杯奶茶嚟飲。
8)喺屋企棟大廈搭lift，噤咗公司嗰層樓數。
9)咁上下會戴住眼鏡搵眼鏡。
10)喺街突然見喥劉華，同佢講：我好鐘意你嫁，黎明。